{"id":2883,"date":"2025-06-19T09:47:30","date_gmt":"2025-06-19T06:47:30","guid":{"rendered":"https:\/\/nrls.net\/ku\/?p=2883"},"modified":"2025-06-19T12:50:26","modified_gmt":"2025-06-19T09:50:26","slug":"di-navbera-serkeftina-leskeri-u-mixabiniya-siyasi-de-dosyaya-girtiyen-daise-li-bakur-u-rojhilate-suriyaye","status":"publish","type":"post","link":"https:\/\/nrls.net\/ku\/?p=2883","title":{"rendered":"DI NAVBERA SERKEFTINA LE\u015eKER\u00ce \u00db MIXABIN\u00ceYA SIYAS\u00ce DE.. DOSYAYA GIRT\u00ceY\u00caN DAI\u015e\u00ca LI BAKUR \u00db ROJHILAT\u00ca S\u00dbRIYAY\u00ca"},"content":{"rendered":"

\"\"<\/p>\n

Dosyaya girt\u00eegeh \u00fb kamp\u00ean li Bakur \u00fb Rojhilat\u00ea S\u00fbriyay\u00ea, metirs\u00eedartir\u00een dosyay\u00ean mirov\u00ee \u00fb ewlekra\u00ee y\u00ean li her\u00eam\u00ea ye. Bi dem\u00ea re; ev dosya veguheriye bargiran\u00ee li ser pi\u015fta R\u00eaveber\u00eeya Xweser \u00fb H\u00eaz\u00ean S\u00fbriyaya Demokrat (QSD) ku ji t\u00eakbirina le\u015fker\u00ee ve ya xilafeta \u201cDAI\u015e\u201d\u00ea li Baxoz\u00ea sala 2019an bi erkeke hestyar \u00fb ji \u015fiyana xwe ya abor\u00ee, siyas\u00ee \u00fb le\u015fker\u00ee girantir rab\u00fbye. Daxuyan\u00eeya Hevbend\u00eeya Navnetewey\u00ee ya li Medr\u00eed\u00ea (P\u00fb\u015fbera 2025an) careke din danp\u00eadaneke navxwey\u00ee bi v\u00ea berpirsiyar\u00eeya giran kir. Her wiha careke din metirs\u00eeya v\u00ea r\u00eaxistin\u00ea tekez dike, nemaze di dosyaya girt\u00eey\u00ean li girt\u00eegeh \u00fb kamp\u00ean m\u00eena \u201cHol\u201d \u00fb \u201cRoj\u201d\u00ea.<\/p>\n

QSD li Bakur \u00fb Rojhilat\u00ea S\u00fbriyay\u00ea n\u00eaz\u00eek\u00ee 10 hezar \u00e7ekdar\u00ean r\u00eaxistina DAI\u015e\u00ea, di gelek girt\u00eegeh\u00ean xwe de girtine. Di nava wan de n\u00eaz\u00eek\u00ee 2000 \u00ean biyan\u00ee hene (ji bil\u00ee s\u00fbr\u00ee \u00fb iraq\u00eeyan). Her wiha b\u00eatir\u00ee 50 hezar malbat li kampa Hol\u00ea hene, piran\u00eeya wan zarok \u00fb jin in. Di nava wan de j\u00ee b\u00eatir\u00ee 8 hezar \u00ean biyan\u00ee ji 60 nasnamey\u00ea hene. B\u00eatir\u00ee p\u00eanc salan di ser hilwe\u015f\u00eena r\u00eaxistin\u00ea re derbas b\u00fbne, l\u00ea h\u00een j\u00ee ji bo mekan\u00eezmayeke navnetewey\u00ee ya domdar nehatiye d\u00eetin; ku van kesan veger\u00eenin dewlet\u00ean wan an j\u00ee li p\u00ea\u015fber\u00ee desteyeke dadwer\u00ee ji al\u00eey\u00ea navnetewey\u00ee ve danp\u00eadankir\u00ee werin darizandin.<\/p>\n

Kampa Hol\u00ea gefeke p\u00eakhat\u00ee ye; li gor w\u00ea:<\/p>\n

Navendeke serbazkirina \u00eedoloj\u00eek e: H\u00een j\u00ee kamp j\u00eengeheke dewlemend a belavkirina raman\u00ean r\u00eaxistin\u00ea ye ku bi r\u00eaya \u201cHisb\u00ea ya jinan\u201d \u00fb hin \u015faneyin \u00e7alak t\u00ea me\u015fandin. Li gor w\u00ea gelek b\u00fbyer\u00ean ku\u015ftin\u00ea di nava kamp\u00ea de r\u00fbdane.<\/p>\n

Valat\u00eeyeke ewlekar\u00ee ya c\u00eehan\u00ee ye: Heb\u00fbna hezar\u00ean biyan\u00eeyan bi zarok\u00ean wan re metirs\u00eeyek li ser ewlekar\u00eeya c\u00eehan\u00ee ye, nemaze ku hinek dewlet napejir\u00eenin ku wan veger\u00eenin an j\u00ee tu bernameyeke \u00e7alak a amadekirin \u00fb tevl\u00eakirina wan di nava civak\u00ea de li cem wan tune ye.<\/p>\n

Fi\u015fara li ser \u015fiyan\u00ean xwecih\u00ee ye: R\u00eaveber\u00eeya Xweser\u00a0 b\u00eay\u00ee tu pi\u015ftgir\u00eeyeke siyas\u00ee ya rasterast an danp\u00eadaneke navnetewey\u00ee, tevaya bargiran\u00eeya wan radigire; ku bi dest xwe re h\u00eaza w\u00ea ya \u00e7areserkirina doyay\u00ea lawaz dike.<\/p>\n

Rola H\u00eaz\u00ean S\u00fbriyaya Demokrat \u2013 Nirx\u00ea Giran \u00ea Serkeftin\u00ea:<\/strong><\/p>\n

Rew\u015fa hey\u00ee b\u00eay\u00ee amajekirina bi rola QSD\u00ea weke tewereyeke bingeh\u00een di t\u00eakbirina DAI\u015e\u00ea de, nay\u00ea f\u00eamkirin. Ev h\u00eaz hevkara \u00e7alak n Hevbend\u00eeya Navnetewey\u00ee li ser erd\u00ea b\u00fb. Li gor w\u00ea; \u015fer\u00ean her\u00ee dijwar li dij\u00ee r\u00eaxistin\u00ea li Reqa, D\u00eara Zor\u00ea \u00fb \u00c7olistan\u00ea dane me\u015fandin. Pi\u015ft\u00ee serkeftina le\u015fker\u00ee, van h\u00eazan berpirsiyar\u00eeyeke giran \u00fb hestyar dan\u00ee li ser mil\u00ea xwe, ku ew j\u00ee parastina girt\u00eengehan, bir\u00eavebirina kampan \u00fb \u015fer\u00ea li dij\u00ee \u015faney\u00ean razay\u00ee ye. Tevaya van babetan j\u00ee di nava samanin s\u00eenordarkir\u00ee de \u00fb tuneb\u00fbna danp\u00eadaneke navnetewey\u00ee bi R\u00eaveber\u00eeya Xweser, p\u00eak t\u00ean.<\/p>\n

Ev berpirsiyar\u00ee gefeke dual\u00ee \u00e7\u00eadike:<\/p>\n

Ewlekar\u00ee: Bi her b\u00fbyereke rev\u00een\u00ea re (Weke ku li girt\u00eegeha Sinaa ya Hesek\u00ea sala 2022yan \u00e7\u00eab\u00fby\u00ee) metirs\u00eeya DAI\u015e\u00ea \u00fb p\u00eadiv\u00eeya pi\u015ftgir\u00eeya j\u00earxaneya ewlekar\u00ee derdikeve p\u00ea\u015f.<\/p>\n

Siyas\u00ee: QSD bargiran\u00eeya v\u00ea dosyay\u00ea b\u00eay\u00ee tu berd\u00ealeke siyas\u00ee radigire; l\u00ea bel\u00ea hinek dewlet\u00ean rojavay\u00ee \u00fb her\u00eam\u00ee j\u00ee v\u00ea dosyay\u00ea weke kaxezeke fi\u015fara siyas\u00ee bi kar t\u00eenin.<\/p>\n

Berpirsiyar\u00eeya Civaka Navnetewey\u00ee \u2013 P\u00eadiv\u00eeya Bi \u00c7areser\u00eeyeke Dadmend \u00db Stratej\u00eek<\/strong><\/p>\n

Bi tev\u00ee tekezkirina w\u00ea li ser pi\u015ftgir\u00eeya tekn\u00eek\u00ee \u00fb hevakr\u00eeya saloxg\u00ear\u00ee; l\u00ea bel\u00ea daxuyan\u00eeya Hevbend\u00eey\u00ea ya li Medr\u00eed\u00ea nagih\u00eaje asta ragirtina berpirsiyar\u00eeya prat\u00eek a der bar\u00ea dosyaya girt\u00eeyan de. Hi\u015fyar\u00eeya li ser metirs\u00eeya DAI\u015e\u00ea b\u00eay\u00ee av\u00eatina hin gavan li ser erd\u00ea; li \u015f\u00fbna hewandina metirs\u00eey\u00ea, w\u00ea ji n\u00fb ve \u00e7\u00eadike.<\/p>\n

\u00c7areser\u00eeya dadmend v\u00ea dixwaze:<\/p>\n

Pi\u015ftgir\u00eeyeke siyas\u00ee \u00fb daray\u00ee ji bo R\u00eaveber\u00eeya Xweser: Ew j\u00ee bi r\u00eaya danp\u00eadana bi rola w\u00ea \u00fb day\u00eena rewab\u00fbneke zagon\u00ee ku r\u00ea dide w\u00ea peyman\u00ean navnetewey\u00ee gir\u00ea bide, nemaze y\u00ean t\u00eakildar\u00ee dosyay\u00ean maf\u00ean mirovan \u00fb \u015fer\u00ea li dij\u00ee teror\u00ea.<\/p>\n

Avakirina dadgeheke navnetewey\u00ee ya taybet li Bakur \u00fb Rojhilat\u00ea S\u00fbriyay\u00ea: Da ku endam\u00ean DAI\u015e\u00ea di \u00e7ar\u00e7oveyeke zagon\u00ee de ku jir\u00eaderketina zagon\u00ee ya hey\u00ee\u00a0 tune bike, werin darizandin.<\/p>\n

Bernameyeke navnetewey\u00ee ji bo jin\u00fbveamadekirin \u00fb t\u00eakelkirin\u00ea: Nemaze jin \u00fb zarok, her wiha gir\u00eaday\u00eena w\u00ea bi hevkar\u00eeya bi r\u00eaxistin\u00ean Netewey\u00ean Yekb\u00fby\u00ee re.<\/p>\n

Planeke jin\u00fbvewelat\u00eekirin\u00ea yan j\u00ee vegerandina wan ber wel\u00eat ve: Nemaze welat\u00eey\u00ean dewlet\u00ean ewrop\u00ee \u00fb asyay\u00ee; l\u00ea div\u00ea p\u00ea re r\u00eakar\u00ean \u015fopandia ewlekar\u00ee \u00fb amadekirina der\u00fbn\u00ee hebin.<\/p>\n

Siberoja DAI\u015e\u00ea li girt\u00eegehan<\/strong><\/p>\n

Berdewamb\u00fbna v\u00ea rew\u015fa b\u00eay\u00ee d\u00eetina \u00e7areser\u00eey\u00ean bingeh\u00een dibe ku veguhere bobelatan, ji wan j\u00ee:<\/p>\n

Dibe ku girt\u00eegeh veguherin m\u00eenay\u00ee \u201cGuwantanamoya Pi\u00e7\u00fbk\u201d ku gelek k\u00een \u00fb tundrew\u00eey\u00ea bi xwe re t\u00eene.<\/p>\n

Gengaz\u00eey\u00ean p\u00eakan\u00eena \u00ear\u00ee\u015fan li ser girt\u00eegehan ji al\u00eey\u00ea \u015faney\u00ean razay\u00ee ve yan j\u00ee al\u00eey\u00ean derve, pir dibin.<\/p>\n

Nif\u015fin n\u00fb di nava kampan de li ser raman\u00ean DAI\u015e\u00ea ava dibin; b\u00eay\u00ee ku berd\u00ealeke perwerdeh\u00ee yan j\u00ee civak\u00ee hebe.<\/p>\n

Li j\u00ear r\u00fbbir\u00fbb\u00fby\u00een\u00ean tevlihev \u00ean ku Bakur \u00fb Rojhilat\u00ea S\u00fbriyay\u00ea ji pi\u015ft\u00ee cenga t\u00eakbirina DAI\u015e\u00ea ve rast\u00ee wan t\u00ea, em nikarin dosyaya ewlekar\u00ee \u00fb mafnas\u00ee ji p\u00eadiv\u00eey\u00ean siyas\u00ee \u00fb dadmend\u00ee y\u00ean ku qonaxa guh\u00eaz\u00ee wan disep\u00eene, veqet\u00eenin. Di navbera girt\u00eegeh \u00fb kamp\u00ean r\u00eaxistina tundrew de \u00fb w\u00earan\u00ee \u00fb jihevxistina civak\u00ee ya ku DAI\u015e\u00ea li pey xwe hi\u015ftiye ji al\u00eeyek\u00ee ve \u00fb ji al\u00eey\u00ea din ve j\u00ee rasteq\u00een\u00eeya h\u00eaz\u00ean xwecih\u00ee \u00fb di destp\u00eaka wan de H\u00eaz\u00ean S\u00fbriyaya Demokrat (QSD) ku bi hezaran \u015feh\u00eed di cengek\u00ea de ku ne ten\u00ea weke pev\u00e7\u00fbneke xwecih\u00ee, l\u00ea bel\u00ea parastineke c\u00eehan\u00ee ya li dij\u00ee teror\u00ea ye, \u00ead\u00ee p\u00eadiv\u00eeyeke lezg\u00een a bi n\u00eaz\u00eekb\u00fbneke dadmend\u00ee ya guh\u00eaz\u00ee derdikeve p\u00ea\u015f ku van qurban\u00eeyan bipar\u00eaze, mafan misoger bike \u00fb \u00e7areser\u00eeyeke siyas\u00ee ya domdar \u00fb dadmend saz bike. Nemaze hevdem\u00ee \u00e7\u00fby\u00eena Hevbend\u00eey\u00ea ber bi jin\u00fbveavakirin\u00ea \u00fb misogerkirina \u201cT\u00eakbirina domdar a DAI\u015e\u00ea\u201d ve.<\/p>\n

N\u00fbb\u00fbna Metirs\u00eeya Vegera DAI\u015e\u00ea Ji \u00c7olistan\u00ea Ber Bi Bajar\u00ean Mezin Ve<\/strong><\/p>\n

Bi destp\u00eab\u00fbna 2025an re, metirs\u00eeya r\u00eaxistina DAI\u015e\u00ea di nava valat\u00eeyeke ewlekar\u00ee de ya li \u00c7olistana S\u00fbriyay\u00ea \u00fb derdora w\u00ea, reyeke din a tund\u00eey\u00ea ji n\u00fb ve dide me\u015fandin. Li gor w\u00ea; gelek rapor\u00ean ewlekar\u00ee \u00fb meydan\u00ee dane diyarkirin ku \u00e7alakb\u00fbna \u015faney\u00ean r\u00eaxistin\u00ea ji dever\u00ean di s\u00eago\u015feya s\u00eenor\u00ee ya di navbera D\u00eara Zor\u00ea, Reqa \u00fb Hums\u00ea de ber bi dever\u00ean gundewar\u00ean rojhilat\u00ee y\u00ean par\u00eazgeh\u00ean Heleb \u00fb \u015eam\u00ea ve, vedigere. Ev yek amajey\u00ea bi nermb\u00fbna mezin a tevgera van \u015faneyan dike ku s\u00fbd\u00ea ji xwezaya erdn\u00eegar\u00ee ya \u00e7ol digire. Her wiha amajey\u00ea bi tuneb\u00fbna hevr\u00eaz\u00eeya ewlekar\u00ee ya di navbera h\u00eaz\u00ean li S\u00fbriyay\u00ea serwer de dike.<\/p>\n

Ev p\u00ea\u015fektina metirs\u00eedar qonax\u00ean ber\u00eeya belavb\u00fbna r\u00eaxistin\u00ea ya sala 2014an t\u00eene b\u00eera me, ku \u015fer\u00ean navxwey\u00ee, pa\u015fguhkirina siyas\u00ee \u00fb d\u00fbrxistina civak\u00ee r\u00ea li p\u00ea\u015f\u00eeya w\u00ea vekirib\u00fb ku bi lez li p\u00ea\u015f bikeve. \u00cero j\u00ee; r\u00eaxistin h\u00eaza xwe derdixe ku ew dikare \u00e7alak\u00eey\u00ean bibandor \u00e7\u00eabike \u00fb xal\u00ean bicihb\u00fbna art\u00ea\u015fa s\u00fbr\u00ee \u00fb H\u00eaz\u00ean S\u00fbriyaya Demokrat bike armanc. Ji v\u00ea yek\u00ea b\u00eatir; carinan n\u00eaz\u00eek\u00ee navend\u00ean bajar\u00ean sereke, b\u00eay\u00ee ku bersivday\u00eeneke xurt j\u00ea re hebe, tev digerin. Ev n\u00ee\u015fane tekez dikin ku t\u00eakbirina le\u015fker\u00ee ya DAI\u015e\u00ea ne daw\u00eeya metirs\u00eey\u00ea b\u00fb; l\u00ea bel\u00ea ten\u00ea rawestgehek b\u00fb. Her wiha berdewamb\u00fbna pa\u015fguhkirina \u00e7areser\u00eey\u00ean qutebir li dever\u00ean rizgarb\u00fby\u00ee -\u00e7i li bakur\u00ea rojhilat\u00ee yan j\u00ee li \u00e7olistan\u00ea- d\u00ea p\u00ealeke din a tund\u00eey\u00ea bi xwe re b\u00eene. V\u00ea car\u00ea dibe ku n\u00eaz\u00eek\u00ee navenda bajar\u00ean mezin be, weke li derdora Hums\u00ea, gundewar\u00ean rojhilat\u00ee y\u00ean Hemay\u00ea \u00fb k\u00ealek\u00ean \u00c7olistan\u00ea li n\u00eaz\u00eek\u00ee \u015eam\u00ea.<\/p>\n

\u015eeh\u00eed\u00ean Di Cenga Parastina Mirovat\u00eey\u00ea De<\/strong><\/p>\n

QSD li dij\u00ee DAI\u015e\u00ea cengeke p\u00eakhat\u00ee da me\u015fandin. Di nava w\u00ea bargiran\u00eeya pev\u00e7\u00fbna le\u015fker\u00ee ya rasterast ragirt. Li k\u00ealeka w\u00ea j\u00ee \u00e7alak\u00eey\u00ean ewlekar\u00ee, r\u00eaveber\u00ee \u00fb mirov\u00ee y\u00ean pi\u015ft\u00ee rizgarkirin\u00ea j\u00ee ragirtin. Ev hem\u00fb j\u00ee b\u00eay\u00ee heb\u00fbna s\u00eewaneke navnetewey\u00ee ya zagon\u00ee yan j\u00ee siyas\u00ee. Ji nava b\u00eatir\u00ee 13 hezar \u015feh\u00eed \u00fb 25 hezar bir\u00eendaran, ti\u015ftek ji wan di \u00e7alak\u00eey\u00ean siyas\u00ee y\u00ean ni\u015ftiman\u00ee yan j\u00ee navnetewey\u00ee de, nehatine li ser maseya dan\u00fbstandinan.<\/p>\n

Bir\u00eavebirina dosyaya grt\u00eey\u00ean DAI\u015e\u00ea, her wiha girt\u00eegeh \u00fb kamp\u00ean w\u00ea ji al\u00eey\u00ea QSD\u00ea ve, div\u00ea ne weke erkeke al\u00eeyek\u00ee xwecih\u00ee, l\u00ea bel\u00ea weke \u00e7espaneke rewa \u00fb rast\u00een were d\u00eetin ku ev h\u00eaz xwed\u00ee roleke damezir\u00eaner di siberoja siyas\u00ee ya S\u00fbr\u00eeyay\u00ea ye. Div\u00ea li ser w\u00ea niw\u00eanert\u00eeyeke temamb\u00fby\u00ee di dan\u00fbstandin an j\u00ee got\u00fbb\u00eajek\u00ea de bi ferwer\u00eeya \u015eam\u00ea re yan j\u00ee di \u00e7ar\u00e7oveyeke navnetewey\u00ee ya t\u00eakildar\u00ee siberoja wel\u00eat, were avakirin.<\/p>\n

Dadmend\u00eeya Guh\u00eaz\u00ee Bingeha \u00c7areser\u00eeyeke Domdar e<\/strong><\/p>\n

Div\u00ea r\u00eageheke rast\u00een a dadmend\u00eeya guh\u00eaz\u00ee li Bakur \u00fb Rojhilat\u00ea S\u00fbriyay\u00ea weke alaveke siyas\u00ee ji bo misogerkirina aam\u00eey\u00ea \u00fb nehi\u015ftina vegera tund\u00ee \u00fb tundrew\u00eey\u00ea , were destgirtin. Di ev r\u00eageh di nava xwe de van al\u00eeyan bihew\u00eene:<\/p>\n